Í dag gjørdist greitt, at sera evnaríki hondbóltsleikarin úr Hoyvík, 17 ára gamli Elias Ellefsen á Skipagøtu, komandi árini skal spæla við svensku meistarunum IK Sävehof úr Partille beint uttanfyri Gøteborg. IK Sävehof er eisini kent fyri at skipa fyri heimsins størstu hondbóltskapping, Partille Cup, sum hvørt summar er í Gøteborg, og har hava nógv føroysk lið verið við tey seinastu nógvu árini.
Elias í Partille Cup í Gøteborg í 2013. Frá næsta kappingarári fer hann at spæla við IK Sävehof úr Partille (mynd h71.fo)
