Met nógvar sendingar í málleysum dysti


 UEFA EURO 2020 Dystardagur 4 

Spania - Svøríki 0-0 (0-0)
Spania hevði 419 sendingar í fyrra hálvleiki, og tað er tað mesta í einum EM-endaspæli, síðan farið var at telja í 1980.

Kortini megnaði Spania ikki at skora, hóast teir høvdu nakrar góðar møguleikar.

Svøríki hevði eisini ein góðan møguleika, tá ið Alexander Isak breyt seg í gjøgnum, og noyddi ein verjuleikara at bjarga á strikuni, og haðan støkk bólturin í stongina og út.

Svøríki var eitt sindur betri við í fyrst seinna hálvleiki, og tað var um reppið, at Marcus Berg fekk beint bóltin í málið, tá ið Alexander Isak sendi bóltin flatt inn fyri.

Seinasta partin av dystinum gjørdi Svøríki ikki annað enn at spark bóltin burtur. Spania kom eisini nærri og nærri, og Gerard Moreno skallaði beint á málverjan og skeyt framvið málinum.

Svøríka helt tørn, og endin var ein málleystur javnleikur
Les meira um Spania - Svøríki

Lewandowski og Pólland skuffaðu

Póland – Slovakia 1-2 (0-1)
Robert Lewandowski hevur ikki skorað nógv í endaspølum, og heldur ikki í dag skoraði hann, tá ið Pólland skuffaði móti Slovakia.

Slovakia kom fram um í 18. minutti, tá ið Róbert Mak úr vinstru síðu rak seg heilt inn í brotsteigin, har hann úr spískum skeyt í stongina, í ryggin á málverjanum Wojciech Szczesny, og so í málið.

Karol Linetty javnaði beint eftir eitt hálvleik. Eitt vakurt álop endaði við, at bólturin var spældur skrátt aftur til Karol Linetty, og so var javnleikur.

20 minuttir fyri tíð avgjørdi Milan Škriniar fyri Slovakia, tá ið hann slapp at skjóta í tætt mannaða brotsteiginum, og so var óvæntaði sigurin veruleiki.
Les meira um Póland – Slovakia á uefa.com

Mál úr met langari frástøðu

Skotland – Kekkia 0-2 (0-1)
Hóast Skotland var væl við í dystinum, so var tað Kekkia, sum dugdi betri at gagnnýta møguleikarnar.

Patrik Schick skoraði bæði málini hjá Kekkia. Beint fyri hálvleik skallaði hann bóltin í málið, og nakað inn í seinna hálvleik skoraði Schick eitt vakurt og søguligt mál. Í einum mótálop gjørdi hann ikki mætari enn at skjóta úr 45 metra frástøðu, og so langt úti frá er einki mál skotið áður í einum EM-endaspæli.
Les meira um Skotland – Kekkia á uefa.com