KÍ tapti í góðkendum avriki

UEFA, Champions League, 2. undanumfar
Young Boys – KÍ 3-1 (0-0)

Hóast Young Boys hevði bóltin nógv mest í fyrra hálvleiki, so megnaði KÍ at halda Young Boys frá møguleikum fyri steðgin. Í hinum endanum hevði KÍ tann besta møguleikan í fyrra hálvleiki, tá ið Ole Erik Midtskogen var spældur leysur í dýpdina og kom leysur móti málinum úr vinstru síðu, men skotið fór beint á málverjan.

Seinni hálvleikur var bara seks minuttir gamal, tá ið Young Boys skoraði upp á sín fyrsta veruliga møguleika. Ein frálíkur bóltur varð lagdur inn fyri, og har kom Jean-Pierre Nsame upp um Oddmar Færø og skallaði bóltin í málið.

Seks minuttir seinni skoraði Young Boys aftur. Jóannes Kalsø Danielsen kláraði ikki at sparka bóltin burtur, og so gjørdist Miralem Sulejmani leysur til vinstru fyri málið og skoraði.

Nú hildu øll, at dysturin var avgjørdur. Men júst innskifti 18 ára gamli Jonn Johannesen setti tó spenning í dystin aftur í 78. minutti. Jonn rann í eyðkendum stíli inn í málteigin við handaru stong og var fyrstur á einum frálíkum frísparki frá Jóannes Bjartalíð úr vinstru síðu og beindi bóltin í málið.

Gleðin var tó stokkut. Tveir minuttir seinni gjørdi Nicolas Moumi Ngamaleu tað til 3-1 og hesaferð kom KÍ ikki aftur í aftur.

KÍ er úti úr Champions League, men sleppur at halda fram í Europa League.

UEFA, Champions League, 2. undanumfar: Young Boys – KÍ 3-1 (0-0)
1-0, 51. Jeanne-Pierre Ensame
2-0, 57. Mirael Sulejmani
2-1. 79. Jonn Johannesen
3-1, 82. Nicolas Moumi Ngmaleu
Dysturin á uefa.com

Bayern er evropameistari

UEFA Champions League, finala:
Paris Saint Germain - Bayern München 0-1 (0-0)

Fyrri hálvleikur var lívligur, og Paris hevði teir betru møguleikarnar. Men Bayern stóð ímóti.

Eitt korter inn í seinna hálvleik skallaði Kingsley Coman Bayern München fram um. Paris hevði torført við at koma aftur í aftur, og Bayern helt fram við at vera langt frammi á vøllinum.

Bayern er uppiborið vinnari av Champions League, og er fyrsta liðið nakrantíð, sum hevur vunnið allar dystirnar í kappingini í einum kappingarári.

Dysturin á uefa.com

Bayern í finaluna í Champions League

Champions League, hálvfinala

Olympique Lyon - Bayern München 0-3 (0-2) 

Bayern München spældi seg rímiliga lættliga í finaluna í Champions League, tá ið teir vunnu 3-0 á Lyon. 

Paris Saint Germain í finaluni í Champions League

Champions League, hálvfinala

RB Leipzig – Paris SG 0-3 (0-2)

Paris vann rímiliga lættliga 3-0 móti RB Leipzig í hálvfinaluni í Champions League. Fronsku meistararnir høvdu yvirvág í spælinum meginpartin av dystinum, og sigurin var fult uppiborin.

 

Lyon vann óvæntað á Manchester City

Fjórðingsfinala í Champions League
Manchester City - Olympique Lyon 1-3 (0-1)

Manchester City var stórfavorittur at vinna seinastu fjórðingsfinaluna í Champions League í ár. Men tað gekk ikki akkurát, sum øll høvdu væntað. Lyon tók alt og øll á bóli og vunnu 3-1. 

 

Bayern eyðmýkti Barca

Champions League: 

Barcelona - Bayern München 2-8 (1-4)

Tað er ikki bara í Føroyum, at stórsigrar eru fyri tíðina. Í fjórðingsfinaluni í Champions League í kvøld bukaði Bayern München katalonska stórfelagið Barcelona  av 8-2, og hesin ósigurin fer helst at svíða í Barcelona i langa tíð.

 

Leipzig móti Paris í hálvfinaluna

Champions League: RB Leipzig - Atletico Madrid 2-1 (0-0)

Týska felagið RB Leipzig spældi seg í kvøld í hálvfinaluna í Champions League fyri fyrstu ferð. Teir vunnu 2-1 í fjórðingsfinaluna móti Atletico Madrid.