Hálvan vegin úr Florida til Føroya

Jákup Jacobsen og Edmund Berg hava nú róð hálvan vegin til Føroya úr Florida. Tað sæst á heimasíðuni Riding the Gulf Stream.

Tað var 28. mei, at teir báðir havnamenninir og Neil Blackerby úr Florida settust við árarnar í bárinum Guðrun við kósini móti Føroyum. Amerikumaðurin gjørdist longu eftir eina viku illa fyri, og fór av bátinum, síðan hava teir báðir føroyingarnir róð einsamallir.