Tað tykist at vera spurningurin, nú arbeitt verður við, hvussu Premier League skal fara í gongd aftur í eini verkætlan, sum hevur fingið heitið ”Project restart”.Framvegis er eisini ógreitt, um Premier League verður tikin upp aftur, hóast tað er stórur vilji til tað bæði hjá feløgunum og myndugleikunum.
Eitt er, at feløgini í Premier League ikki eru samd, um spælast skal á uttanveltaðum vøllum ella ikki.
Liðini í botninum eru í móti at spæla á uttanveltaðum vøllum, tí tey halda seg missa fyrimunin av heimavølli í endaspurtinum at umganga niðurflyting úr Premier League.
Her verður mett, at talan eru minst seks tey niðastu liðini, møguliga fleiri. Tað skulu 14 lið atkvøða fyri einari og hvørjari avgerð í Premier League fyri at hon skal setast í verk.
Eitt annað er, at talið av koronasmittaðum í Onglandi ikki veruliga er farið at lækka enn, hinvegin er deyðstølini er minkandi
Í kvøld kl. 20.00 fer Boris Johnson, forseti, at tala til tjóðina, um hvussu enska samfelagið kann latast upp aftur. Tá fæst kanska ein greiðari mynd av, um fótbólturin kann fara í gongd aftur í Onglandi, og nær.