So byrjar lívið aftur við nýggjum venjara

Eftir eitt drúgt summar við vinardystum og hálvvánaligum EM-dystum, sleppa vit endiliga at síggja ordiligan fótbólt aftur, nú okkara lið Liverpool vitjar uppflytaran Ipswich, kl. 12.30 í morgin leygardagin.

Og hesaferð byrja vit fullkomuliga av nýggjum, nú Arne Slot úr Niðurlondum skal stjórna okkara monnum, nú vit fyri fyrstu ferð í níggju ár skifta venjara.

Tað er sjálvandi sera ringt at vita, hvussu tað ferð at gangast hjá Arna, tí tað er ikki bara soleiðis at avloysa ein so markantan venjara sum Klopp. Vit kenna eisini søguna um, hvussu tað gekst hjá avloysarunum eftir Alex Ferguson í United og Wenger í Arsenal.

Tað tykist kortini, sum at Liverpool hevur gjørt gott forarbeiði, áðrenn Slot varð settur sum venjari.

Tey flestu vænta, at Liverpool fer framhaldandi at verða við í toppinum í Premier League. Tó eru flestu serfrøðingar samdir um, at tað verða City og Arsenal, sum fara at kappast um meistaraheitið.

Arsenal vann fyrsta steypið í kappingarárinum

Eftir brotssparkskapping vann Arsenal dystin um Community Shield móti Liverpool. Hetta er dysturin millum meistara og steypavinnara í Onglandi frá seinasta kappingarári.

Sjálvur dysturin endaði 1-1. Longu í tólvta minutti legði Pierre-Emerick Aubameyang Arsenal fram um eftir eitt frálíkt álop. Liverpool hevði bóltin mest restina av dystinum, og í 73. minutti javnaði innskifti Takumi Minamino.

Í brotssparkskappingini var ungi Liverpool-leikarin, Rhian Brewster, tann einasti sum brendi. Avgerandi brotssparkið hjá Arsenal sendi Pierre-Emerick Aubameyang í málið.

Dysturin á thefa.com

Endiliga

Hugleiðing: Liverpool, ein lívsstílur

30 ára oyðimarkargongd er av, og ENDILIGA vunnu vit hatta vælsignaða meistaraheitið. Ofta hevur verið strævið. Men seinastu árini hava av sonnum verið stuttlig hjá okkum Liverpool-fjepparum. 

Eg eri so mikið gamal, at eg minnist seinast Liverpool vann meistaraheitið í 1990. Eg minnist eisini øll meistaraheitini í 80-árunum, og eg minnist eisini sorgarleikirnar á Heysel og á Hillsborough. Eg minnist eisini hesi 30 árini, sum vit hava bíðað eftir enska meistaraheitunum, sum nú endiliga er komið heim aftur.

Liverpool spakuliga í gongd

Greiða oddaliðið í Premier League, Liverpool, megnaði ikki at vinna í fyrsta dystinum eftir koronasteðgin. Dysturin um Merseyside móti Everton var ógvuliga linligur og minti mest um ein vinadyst. Úrslitið gjørdist 0-0. Liverpool manglar nú fimm stig at tryggja sær meistaraheitið.

Chelsea vendi einum hóttandi ósigri til sigurs. Aston Villa, sum stríðist í botninum, kom fram um, tá ið Kortney House skoraði beint fyri steðgin. Tá ið eitt korter var spælt av seinna hálvleiki, vendi Chelsea dystinum. Christian Pulisic og Oliver Giroud skoraðu hvør sítt mál. César Azpilicueta legði upp til bæði málini.

Sheffield United misti eitt týðandi fet í stríðnum um pláss í Evropa, tá ið teir taptu 3-0 í Newcastle. John Egan hjá Sheffield United fekk sítt seinna gult kort fimm minuttir eftir steðgin, og tí gjørdi Newcastle sær verulig dælt av. Allan Saint-Maximin, Matt Ritchie og Joelinton skoraðu málini tey trý málini. 

Stigatalvan

Arsenal snávaði aftur

Fýra dystir vóru í Premier League í gjár. Arsenal tapti í 2-1 fyri Brighton á útivølli, og hevur nú tapt báðar dystirnar, síðan byrjað var aftur eftir koronasteðgin. Í løtuni sær rættiliga torført út hjá Arsenal at náa evropeiskum fótbólti komandi kappingarár. Hjá Brighton vóru stigini sera kærkomin í stríðnum móti niðurflyting, og teir hava í løtuni fimm stig at geva av.

Pogba kom inn og gjørdi mun

Tveir dystir vóru í Premier League í kvøld. Tottenham og Manchester United spældi javnleik 1-1, og Southampton vann 3-0 á Norwich. 

Í báðum dystum fóru leikararnir niður á knæ, tá ið dysturin byrjarði fyri at vísa stuðul til "Black Lives Matters rørsluna".

Premier League næstan hvønn dag

Premier League byrjaði aftur mikukvøldið, tá ið tveir áður útsettir dystir vóru leiktir. Nú hava so øll liðini spælt 29 dystir, og 9 umfør eru eftir at spæla.

Restin av kappingini verður spæld frá í kvøld av til 26. juli, tá ið seinasta umfar verður spælt. Kappingin verður soleiðis skipa, at tað eru eingir áskoðarar til dystirnar, og tí er avgjørt, at allir dystir verða vístir í sjónvarpi, og eingin dystir verður spældur samstundis, sæð burtur frá seinasta umfari.

Máltøknin kostaði Sheffield United sigurin

Tá ið Premier League byrjaði aftur í gjár varð tað ikki uttan onkra umstrídda støðu. 

Í málleysa javnleikinum millum Aston Villa og Sheffield United vístu sjónvarpsmyndirnar týðiliga, at málverjin hjá Aston Villa, Orjan Nyland, førdi bóltin inn um strikuna eftir eitt fríspark beint fyri steðgin.

Endiliga byrjar Premier League aftur

Eftir steðg í tríggjar mánaðir byrjar Premier League aftur í kvøld. Tveir dystir eru á skránni. Hetta eru teir báðir dystirnir, sum mangla í fyri, at øll liðini hava spælt eins nógvar dystir, 

Kl. 18.00 tekur Aston Villa móti Sheffield United, og kl. 20.15 er stórdystur í Manchester, tá ið City tekur móti Arsenal.

Venja aftur í Premier League – Seks positivar koronaroyndir

Í gjár avgjørdu feløgini í Premier League á netfundi, at venjingar við í mesta lagi fimm spælarum kunnu takast upp aftur frá í dag av. Nøkur lið byrjaðu venjing í dag, meðan onnur fara at venja í morgin.

At venjingarnar byrja aftur nú, verður mett sum fyrsta stig fram í móti, at Premier League verður tikin upp aftur. Tað eru nýggju umfør eftir at spæla í bestu ensku deildini.

Premier League byrjar í fyrsta lagi 1. juni

Enska stjórnin hevur í dag almannakunngjørt, hvussu enska samfelagið spakuliga letur upp aftur eftir koronakreppuna.

Ein partur av ætlanini er, at eingin yrkisítróttur verður fyrr enn 1. juni. Tað merkir, at Premier League í fyrsta lagi byrjar aftur 1. juni.

Verður Premier League tikin upp aftur?

Tað tykist at vera spurningurin, nú arbeitt verður við, hvussu Premier League skal fara í gongd aftur í eini verkætlan, sum hevur fingið heitið ”Project restart”.

Framvegis er eisini ógreitt, um Premier League verður tikin upp aftur, hóast tað er stórur vilji til tað bæði hjá feløgunum og myndugleikunum. 

Loris Karius aftur til Liverpool

Málverjin, Loris Karius, boðar frá á Instagram, at hann hevur brotið leigusáttmálan við tukiska felagið Besitkas eftir ósemja um løn seinastu mánaðirnar.

Karius kemur sostatt aftur til Liverpool, har hann hevur sáttmála til 2022. Mett verður kortini ikki, at hann hevur nakra framtíð í Liverpool, og at hann helst verður seldur ella leigaður út til annað felag í summar.

Tey flestu minnast Karius best fyri, at hann í Champions League finaluni fyri tveimum árum síðan gjørdi tvey stór mistøk í málinum hjá Liverpool, og harvið hevði stóra ávírkan á, at Liverpool tapti finaluna fyri Real Madrid.

Premier League á 8-10 uttanveltaðum vøllum

Á fundi í gjár samdust øll feløgini í Premier League um, at kappingarárið 2019/2020 skal spælast liðugt, tá ið tað er trygt at gera tað. 

Ætlanin er at allir dystirnir skulu spælast á uttanveltaðum leikvøllum og sjálvandi við ongum áskoðarum. Leikvøllirnir verða valdur út saman við løgregluni, soleiðis, at tað verður lætt at halda viðhaldsfólkum burtur. 

Í Onglandi er støðan viðvíkjandi korona ein heilt onnur enn her í Føroyum, og fólk eru bangin. Tí verða sera strangar mannagongdir, um farið verður í gongd aftur. M.a. er ætlanin at kanna leikararnar tvær ferðir um vikuna fyri korona, og tað fer at krevja fleiri túsund koronakanningum.

premierleague.com

Premier League spælast liðug í Føroyum?

Fyrrverandi Manchester United leikarin, Gary Neville, sum er viðmerkjari á sjónvarpsrásini Sky Sports, skjýtur upp, at enska Premier League kann spælast liðug í einum koronaleysum landi. Tað er tí ein stuttligur tanki, at Premier League kann spælast liðug í Føroyum.

18 lið við eini 50 leikarum og hjálparfólkum kundu fyrst farið í sóttarhald á føroysku gistingarhúsunum, sum kortini standa tóm. Síðan kundu dystirnir verið spældir á Tórsvølli, haðani dystirnar kundu verði varpaðir beinleiðis um allan heim.

Grein á Sky Sports

Saknur í fótbóltsrutu til London

Áheitan á Atlantic Airways
Í miðal munnu nakrir tíggjutals føroyingar vera í Onglandi og hyggja eftir fótbólti hvørja viku. Tí hevði verið kærkomið hjá okkum fótbóltsfjepparum við einari flogrutu til London árið runt.

Emirates leikvøllurin hjá Arsenal er ein av stórslignu leikvøllunum í London

Brent barn ræðist eld

Áratíggju frásøgn hjá einum Liverpool-fjeppara:  Frá vónloysi til spæligleði, soleiðis kann farna áratíggju hjá Liverpool lýsast. Alt sær gott út, nú vit eru komin inn í 20-árini. Men “brent barn ræðist eld”.
Nógv er broytt seinastu tíggju árini í Liverpool. (Mynd: Wikipepia)

VAR aftur í fokus, tá ið Liverpool vann oddadystin

Liverpool  er 8 stig fremst í Premier League. Enn einaferð var VAR í fokus, tá ið Manchester City ikki fekk brotsspark í hesi støðuni. (Skermmynd frá Sky Sports)

Premier League, Liverpool FC - Manchester City 3-1 (2-0)

Fá sekund eftir, at City kundi fingið brotspark, legði Fabinho Liverpool fram um við einum hørðum langskoti, og enn einaferð er VAR í miðdeplinum. 

Stórdystur á Anfield í dag

Mynd: Sky Sports

10. novembur 2019, kl. 16.30, Premier League, Liverpool FC - Manchester City

Tveir av heimsins bestu venjarum hava bygt upp hvør sítt stórlið, sum við góðum og undirhaldandi fótbólti hugtaka allan fótbóltsheimin.Hesin dysturin er seinnu árini vorðin tann veruligi stórdysturin í enskum fótbólti.