Verjuleikarin hjá Real Madrid, Raphael Varane servaði tvey mál fyri Manchester City, og tá gjørdist sera torført hjá Real Madrid, sum tapti fyrra dystin 2-1-
Rahem Sterling skoraði eftir fyrsta mistakið hjá Varene. Karim Benzema gav Real eina vón, tá ið hann javnaði eftir hálvan tíma. Í seinni hálvleiki avgjørdi Gabrial Jesus dystin, tá ið hann fangaði eina afturlegging frá Varane, og so vóru kongarnir í evropeiskum fótbólti úti av Champions League. Hetta var eisini fyrstu ferð, at venjarin hjá Real, Zinidane Zidane, ikki megnaði at spæla seg víðari í Champions League.
Champions League: Juventus - Lyon 2-1 (1-1) (Samanlagt 2-2, Lyon víðari við fleiri málum á útivallarmálum)
Hóast Cristiano Ronaldo legði tvey mál afturat sínum málmeti í Champions League, so var tað ikki nokk hjá Juventus at koma víðari í fjórðingsfinaluna. Lyon kom heilt óvæntað víðari, eftir at hava vunnið heimadystin 1-0.
Memphis Depay gav Lyon góðar vónir, tá ið hann sendi eitt bíliga dømt brotsspark í málið longu í 12. minutti.
Nú skuldi Juventus skorað tríggjar ferðir, og tað ber sjálvandi til, tá ið Ronaldo er á liðinum. Tað var eisini nær við. Beint fyri hálvleik, fekk Juventus eitt skeivt dømt brotsspark, sum Ronaldo skoraði, og eitt korter inn í seinna hálvleik sendi hann eitt skot við vinstra beinið í málið.
Í fjórðingsfinaluni møtast Lyon og Manchester City. Orsaka av koronastøðuni verður talan um ein dyst, sum verður leiktur í Lissabon í Portugal komandi leygardag.